2018 Protagonistak
Larunbata, urriak 6
20:30h. Sala BBK
Álex de la Iglesia
Álex de la Iglesia zuzendari, ekoizle eta gidoilari bilbotarra komikien marrazkigile moduan eman zen ezagutzera, laurogeigarren hamarkadan erdialdera, Deustuko Unibertsitatean Filosofia ikasten ari zen bitartean. Zuzendari artistiko moduan hainbat lan egin eta gero, ‘Mirindas asesinas’ film labur mitikoa zuzendu zuen. Haren originaltasun eta talentuarekin asko geratu ziren liluratuta, horien artean Pedro Almodóvar, ‘El Deseo’-ren bitartez haren lehenengo film luzearen ekoizlea izango zena: ‘Acción mutante’. Harrezkero, Álex de la Iglesiak gaur egungo zineman oso film enblematikoak egin ditu: El día de la bestia’, ‘Perdita Durango’, ‘La comunidad’, ‘Balada triste de trompeta’, ‘Las brujas de Zugarramurdi’ edo ‘Perfectos desconocidos’, besteak beste. Bi eleberri ere argitaratu ditu: ‘Payasos en la Lavadora’ eta ‘Recuérdame que te odie’.
Larunbata, urriak 6
20:30h. Sala BBK
Carlos Areces
Madrilen jaio zen 1976an. Arte Ederren ikasketak egin zituen Cuencan, eta han, Ernesto Sevilla ezagutu zuen. Haren bitartez telebistako komedia hankaz gora jarri zuen proiektu batean murgildu zen: ‘La hora Chanante’, eta, gero, ’Muchachada Nui’ eta ‘Museo Coconut’. 2008an, Álex de la Iglesiaren ‘Plutón BRB Nero’ filmaren aktoreen zerrendan parte hartu zuen. Harrezkero, zuzendari horren ohiko aktoreetako bat izan da (‘Balada triste de trompeta’, ‘Las brujas de Zugarramurdi’, ‘Mi gran noche’) eta komedia espainiar askotan parte hartu du (Torrente 4 eta 5, ‘Los amantes pasajeros’, ‘Negociador’). Areces komikien marrazkigilea ere bada, eta “subnorpop” Ojete Calor musika-taldean jotzen du.
Osteguna, irailak 27
20:00h. Sala BBK
Forges
Antonio Fraguas, Forges. (Madril, 1942-2018). TVEn lan egin zuen 1973ra arte. Urte horretan hasi zuen umore grafikoari eskainitako lanbide-ibilbide luze eta oparoa. Kolaborazioak egin zituen Diez Minutos, Hermano Lobo, Por Favor eta El Jueves aldizkarietan, besteak beste. 1995az geroztik egunero txiste bat argitaratu zuen El País egunkarian. Irrati-programetan parte hartu zuen eta bi film eta telebistarako umorezko lau serie zuzendu zituen. 1972an, El libro de Forges plazaratu zuen. Horren atzetik milaka titulu etorriko ziren. Sari garrantzitsuak jaso zituen haren obra izugarriaren aitorpen gisa. Forges goi-mailako artista bat izan zen, hizkuntza-sortzailea ere bai, eta haren umore bikainak luzaroan iraungo du gure artean.
Osteguna, irailak 27
20:00h. Sala BBK
Juan Carlos Ortega
RNE katean hasi zen lanean Javier Sardárekin batera, 18 urte zituela. Orduz geroztik, ohiko kolaboratzailea izan da irratiko eta telebistako programa askotan, horien artean nabarmentzekoak direlarik Jesús Quinteroren El lobo estepario, La radio de Julia Julia Oterorekin batera eta La Ventana Gemma Niergarekin batera. Azpimarratzekoak dira Crónicas Marcianas eta Channel 4 telebista-saioetan izandako parte-hartzeak, Ana García Siñerizekin eta Boris Izaguirrerekin. Gaur egun, Pepa Fernándezekin kolaboratzen du RNE kateko No es un día cualquiera programan, eta Andreu Buenafuenterekin, berriz, Movistar+ telebistako Late Motiv saioan. Halaber, saio bat dauka Cadena Ser irrati-katean: Las noches de Ortega. 2016an, Ondas Saria jaso zuen, haren lanbide-ibilbidearen aitorpen gisa.
Osteguna, irailak 27
20:00h. Sala BBK
Berta Fraguas
Ostirala, irailak 28
20:00h. Sala BBK
Jacinto Antón
Bartzelona, 1957) El País egunkariaren Kultura atalean egin du haren lanbide-karrera osoa, eta klase askoko gaietan espezializatu da, arkeologia, egiptologia, antzerkia eta historia kasu. 2009an, Kultura Ministerioaren Kazetaritza Kulturalaren Sari Nazionala jaso zuen. TVEn ‘El reportero de la historia’ programa egin du, eta Ser-en ‘El antropólogo inocente’ programaren protagonista da. Kate horretan bertan beste saio bat dauka Javier del Pinoren ‘A vivir que son dos días’ irrati-programan. RBAn ‘Pilotos, caimanes y otras aventuras extraordinarias’ eta ‘Héroes, aventureros y cobardes’ liburuak argitaratu ditu.
Ostirala, irailak 28
20:00h. Sala BBK
Alfonso Mateo-Sagasta
(Madril, 1960), historialaria eta idazlea. Gaur egun arte milaka kontakizun eta artikulu, bi entsegu eta zazpi eleberri argitaratu ditu. Horien artean aipagarria da Isidoro Montemayor protagonistatzat duen trilogia: ‘Ladrones de tinta’, ‘El gabinete de las maravillas’ eta ‘El reino de los hombres sin amor’. Hiru eleberriek jaso zuten Eleberri Historikoaren Espartako Saria, eta, lehenbizikoak, gainera, Zaragoza Hiria Eleberri Historikoaren Nazioarteko Saria jaso zuen. Hark idatzitako beste eleberri batzuk dira ‘El olor de las especias’, ‘Caminarás con el sol,’ 2011 Eleberri Historikoaren III. Caja Granada Saria eta ‘Mala hoja’ Reino de Cordelia argitaletxeak plazaratua. Argitaletxe horrek berak argitaratu zuen haren ‘La oposición’ entsegua.
Larunbata, irailak 29
9:00h. Sala BBK
Javier del Pino
(Madril, 1964) Kazetaria da, eta filologia ingelesean diplomatuta dago. 1988an, SER katean hasi zen lanean. Hainbat albistegitan parte hartu ondoren (“Hora 25”, esaterako), Washintong-en korrespontsal izan zen hamabi urtez. 2012az geroztik, ‘A vivir que son dos días’ zuzendu eta aurkezten du, Espainian lider den magazina asteburuetan, eta umorea funtsezkoa du bertan. Urrezko Antena eta Ondas sariak irabazi ditu, besteak beste.
Larunbata, irailak 29
19:00h. Sala BBK
Fernando Savater
Fernando Savater filosofiako irakaslea izan da hogeita hamar urtez baino gehiagoz. Berrogeita hamar obra baino gehiago idatzi ditu (entsegu politikoak, literarioak eta filosofikoak, narrazioak eta antzerkia) eta ehunka artikulua Espainiako eta atzerriko prentsan. Haren liburuetako batzuk hogei hizkuntzetan baino gehiagotan daude itzulita. Espainiako, Europako eta Ameriketako unibertsitateek ematen dituzten hainbat honoris causa doktorego ditu, eta kondekorazioak ere bai. ‘Ética para Amador’, ‘Política para Amador’ eta ‘Las preguntas de la vida’ obrak benetako best seller-ak izan dira. Lan horien bidez, filosofia gazteengana hurbiltzen saiatu da.
Larunbata, irailak 29
19:00h. Sala BBK
Javier Gomá
(Bilbo, 1965) doktorea da Filosofian, eta lizentziatua Filologia Klasikoan eta Zuzenbidean. 1996an Juan March Fundazioan hasi zen lanean, eta 2003an hango zuzendari izendatu zuten. Gaur egun zuzendari-lanpostua mantentzen du. 2004an, Entseguaren Sari Nazionala jaso zuen haren lehenengo liburuarekin, ‘Imitación y experiencia’, eta trilogia osatu zuen ‘Aquiles en el gineceo’ eta ‘Ejemplaridad pública’ obrekin batera. Haren entseguak eta hitzaldiak ‘Ingenuidad aprendida’ eta ‘Todo a mil’ lanetan bildu ditu. Argitaratu duen azken liburua da ‘’La imagen de tu vida’ (Galaxia Gutenberg). Normalean egunkarietan, aldizkarietan eta kultura-eranskinetan idazten du, eta Espainiako Irrati Nazionalaren 24 orduko albistegietako irrati-programan kolaboratzen du.
Larunbata, irailak 29
20.30h. Sala BBK
Jeanette Winterson
Manchester-en jaio zen eta baliabide ekonomiko gutxi zituen bikote baten adopziozko alaba da. Liburu gutxi eta erlijioarenganako debozio izugarria zeuden ingurune batean hazi zen. Hamasei urterekin etxetik joan zen Oxford-en ikasketak egiteko, eta neska batekin lehenengo amodio-historia bizitu zuen. Hogeita lau urterekin ‘Fruta prohibida’ arrakastatsua argitaratu zuen, eta, haren atzetik, ‘La pasión’, ‘Espejismos’, ‘Escrito en el cuerpo’ eta ‘La niña del faro’. Azken eleberri horrekin Lumen-ek egilearen obrarik garrantzitsuenei eskainitako liburutegia inauguratu zuen. 2012an, ‘¿Por qué ser feliz cuando puedes ser normal?’ memoria-liburu aparta plazaratu zuen, eta haren atzetik, ‘La mujer de púrpura’, ‘El mundo y otros lugares’ eta ‘El hueco del tiempo’ argitaratu zituen. ‘Días de navidad’ da haren azken liburua.
Larunbata, irailak 29
20.30h. Sala BBK
Mercedes Cebrián
Madrilen jaio zen 1971n. ‘El malestar al alcance de todos’ kontakizun- eta poema-liburua eta ‘Mercado Común’poema-bilduma idatzi zituen, biak Caballo de Troya-rekin argitaratuta. Horretaz gain, ‘La nueva taxidermia’-n sartutako bi nobela laburrak eta ‘El genuino sabor’ eleberria idatzi ditu, Literatura Random House-n argitaratutakoak. Cebriánek El País, La Vanguardia eta Público egunkarietan kolaboratzen du, eta baita kultur aldizkari ugaritan ere, Eñe, Gatopardo, Revista de Occidente eta The Massachusetts Review kasu. Georges Perec eta Alan Sillitoe gaztelaniara itzuli ditu. Mercedes Cebrián 2018ko Caballo de Troya argitaletxearen editore gonbidatua da.
Igandea, irailak 30
19:00h. Sala BBK
Javier Cansado
(Madril, 1955), Faemino y Cansado bikote komikoaren erdia, Espainiako umorista handienetako bat da. Makina bat irrati- eta telebista-programatan kolaboratzen du. Horien artean aipagarriak dira, duela hamar urtez baino gehiagoz kolaboratzen duelako haietan, ‘Ilustres Ignorantes’ (Javier Coronas eta Pepe Colubi lankideekin), ‘Todopoderosos’ (Arturo González Camposek zuzendutakoa), eta ‘A vivir que son dos días’ (Javier del Pinoren programa Cadena SERen). Film eta serie espainiarretan aktore moduan ere parte hartu du. Adibide batzuk dira ‘Airbag’, ‘Torrente’ eta ‘El fin de la comedia’.
Igandea, irailak 30
19:00h. Sala BBK
Luz Sánchez-Mellado
Luz Sánchez-Melladok El País egunkarian idazten du 19 urte zituenetik. Bi hamarkadetan El País Semanal astekarian lan egin du, eta 2009an zutabegile moduan hasi zen argitalpen horren udako aldizkarian. ‘Portera de día’ sekzioan astero xehatzen zuen gizartearen eta politikaren gaurkotasuna, ikuspegi garratz eta lotsagabea erabiliaz. Gaur egun, Televisión Españolan, Harper´s Bazaar aldizkarian eta Cadena SERen La Ventana programan kolaboratzen du. 2015eko maiatzaz geroztik, El Paísen azken orriko zutabea idazten du ostegunero, eta 2017ko urritik, egunkari horren azken orriko elkarrizketa sinatzen du, igandero, ‘Gente con Luz’ atalean.
Asteazkena, urriak 3
20.00h. Sala BBK
Mircea Cărtărescu
(Bukarest, 1956) poeta, narratzailea eta literatura-kritikaria da. Gaur egun, narratzaile errumaniarrik garrantzitsuena da, eta Literaturaren Nobel Saria jasotzen duen lehenengo idazle errumaniarra izateko hautagai sendoa. Espainian, Impedimenta argitaletxeak argitaratu du idazlearen lan osoa. Aipagarriak dira ‘El Levante’ poema-liburua, ‘Nostalgia’ ipuin-liburukia (‘El Ruletista’ kontakizun ospetsua da lehenbizikoa), ‘Las Bellas Extranjeras’ eta ‘El ojo castaño de nuestro amor’ kontakizun autobiografikoak. ‘Solenoide’ da haren azkeneko eleberria, eta, kritikaren arabera, gaurdainoko obrarik helduena. 2018an Letretako Formentor Saria jasoko du.
Asteazkena, urriak 3
20.00h. Sala BBK
Marian Ochoa de Eribe
Bilbon jaio zen 1964an. Literatura Alderatuan doktorea da Deustuko Unibertsitatean, eta espainierako irakurlea izan da Constanta-ko Ovidius Unibertsitatean (Errumania), 1993 eta 1997 artean. Mircea Cărtărescu-ren obraren zati handi bat itzuli du Impedimenta argitaletxerako: ‘Nostalgia’, ‘Lulu’, ‘Las Bellas Extranjeras’, ‘El Levante’, ‘El ojo castaño de nuestro amor’, ‘Solenoide’ eta ‘El ala izquierda’ (Itsugarria,1). Lehenengo obra zuzenean itzuli zuen espainierara, eta, lan horrengatik, espainierara itzulitako liburu onenari Estatu Kritikoaren Saria jaso zuen 2012an. Mihail Sebastian, Mircea Eliade eta Panait Istrati egile errumaniarren lanak itzuli ditu halaber.
Asteazkena, urriak 3
20.00h. Sala BBK
Enrique Redel
Madrilen jaio zen 1971n. 2004an, Funambulista argitaletxea sortu zuen. 2007an, ordea, argitaletxea utzi eta haren emaztearekin, Pilar Adónekin, Impedimenta argitaletxea sortu zuen. Azken horrek Lan Editorial eta Kultural Onenari Sari Nazionala jaso zuen 2008an, Contexto taldeko gainontzeko argitaletxeekin batera. Haren katalogoan, zaharraren eta modernoaren arteko elkarrizketa planteatzen digu hainbat egileren eskutik, horien artean Mircea Cărtărescu, Kingsley Amis, Iris Murdoch, Siegfried Lenz, Dubravka Ugrešić, David Lodge, Eduardo Berti, Jon Bilbao eta Penelope Fitzgerald. Haren liburuak askotan izan dira sarituak Llibreter edo Zilarrezko Euskadi bezalako sariekin. Gaur egun Madrilen bizi da, eta han lan egiten du.
Osteguna, urriak 4
19:00h. Sala BBK
Patricia Esteban Erlés
(Zaragoza, 1972) irakaslea eta Heraldo de Aragón egunkariko zutabegilea da. Orain arte hiru ipuin-liburu idatzi ditu: ‘Manderley en venta’ (V. Setenil Sarietarako hautatua Espainian 2008an argitaratutako hamar kontakizun-liburu onenen artean), ‘Abierto para fantoches’ eta ‘Azul ruso’. Páginas de Espuma argitaletxeak argitaratu ditu. 2012an, argitaletxe horretan bertan ‘Casa de Muñecas’ mikro-kontakizunen liburua argitaratu zuen, Sara Moranteren ilustrazioekin. Galaxia Gutenberg argitaletxean duela gutxi argitaratu du ‘Las madres negras’, Lehenengo Eleberriari Dos Passos Saria.
Osteguna, urriak 4
19:00h. Sala BBK
Paco Plaza
(Valentzia, 1973) Espainia atzerrirantz proiektatu duen Fantasiazko eta Beldurrezko Zinema Nazional berriaren zuzendari nabarmenetako bat da, genero-lanketari dagokionean. Jaume Balagueróren zuzendarikidea izan zen ‘OT: La película’ dokumentalean (harekin kolaboratu zuen ere ‘Rec’ beldurgarrian). Ondoren, lehenengo film luzea egin zuen, bakarka, ‘El segundo nombre’ izenekoa, eta, haren atzetik, ‘Romasanta’, ‘Rec3: Génesis’ eta ‘Verónica’, haren azken filma.
Osteguna, urriak 4
19:00h. Sala BBK
Fernando Marías
(Bilbo, 1958) nobelagilea, gidoilaria eta editorea da. Hogeita hamar liburu baino gehiago argitaratu ditu, eta milaka sari jaso ditu; horien artean daude: Nadal 2001 Saria ‘El niño de los coroneles’-ekin; Sevillako 2005 Ateneo Saria ‘El mundo se acaba todos los días’-ekin, Narrazioaren 2005 Dulce Chacón Saria ‘Invasor’-ekin, Haurren eta Gazte Literatura 2006 Saria ‘Cielo Abajo’-rekin, 2010 Udaberriko Saria ‘Todo el amor y casi toda la muerte’ eleberriarekin, eta 2015 Biblioteca Breve Saria ‘La isla del padre’-rekin. Fernando Marías Hijos de Mary Shelley proiektuaren egilea ere bada. Plataforma horretan literatura, musika, performance eta antzerti- bakarrizketak azaleratzen dira.
Ostirala, urriak 4
20:30h. Sala BBK
Silvia Abril
Silvia Abril da Yoko Ono, Kim Kardashian, Victoria Abril… eta Shrek-en alaba ere bai. Aktorea (‘La que se avecina’, ‘Torrente’, ‘Cuerpo de élite’), umorista (‘Homo Zapping’, ‘Tu cara me suena’), dantzaria (Chiquilicuatre-rekin Eurovisión-en), aurkezlea (‘Caiga quien caiga’) eta sukaldaria (‘Masterchef Celebrity’). Andreu Buenafuenterekin kolaboratzen duen ‘Late Motiv’ programaren arabera —‘Huevosfuertes’—, “dantza egin, abestu, zirikatu, usain egin eta gadget-ak ere aurkezten dituen mutante bat da. Bizitasun handiko zurrunbiloa. Bere baitan genero bat da, baina oraindik ez dago horretarako definiziorik”.
Ostirala, urriak 4
20:30h. Sala BBK
Azul Tejerina
(Zumarraga, Gipuzkoa, 1973) Bokazioz kazetaria da, eta kontakizunak idaztea eta istorio errealak zein irudizkoak kontatzea zen haren ametsa. Horrela, haren iritziz “munduko ogibiderik onena” den horretan bukatu zuen. Nafarroako Unibertsitatean Irrati Narratiba eta Publizitatea irakasten ditu, eta jakinmin handikoa da izatez. Enpatia darabil besteen buruan sartzeko, eta uste du komunikabide guztiak direla erabilgarriak eta herritarren zerbitzura egon behar dutela, haren gustukoena irratia den arren. Madrilgo Cope eta Errioxako Cope kateetan lan egin ondoren, 2002an Ser katean hasi zen lanean, eta duela bederatzi urtetik, ‘Hoy por hoy Bilbao’ magazina zuzentzen du.
Ostirala, urriak 5
19:00h. Sala BBK
Soledad Puértolas
(Zaragoza, 1947), kazetaritzan lizentziatua da, eta Norvegian eta Kalifornian (bertan lortu zuen Espainiako eta Portugalgo Hizkuntza eta Literatura MA, Kaliforniako Unibertsitatean, Santa Bárbaran) egon da bizitzen. Hizkuntzaren Errege Akademiaren kidea da. Haren liburuak hainbat hizkuntzatara itzuli dira, eta Anagrama argitaletxeak argitaratu ditu gehienbat. Aipagarriak dira ‘El bandido doblemente armado’, ‘Una enfermedad moral’, ‘Queda la noche’ (Planeta Saria 1989), ‘Una vida inesperada’, ‘Gente que vino a mi boda’ edo ‘Historia de un abrigo’. ‘La vida oculta’ obrarekin Entseguaren Anagrama Saria irabazi zuen 1993an.
Ostirala, urriak 5
19:00h. Sala BBK
Marta Sanz
Editoreen esanetan, Marta Sanz (Madril, 1967) idazleak ez du herrialde honetako beste idazle baten antzik. Diagnostikorako tresna gisa erabiltzen du barrea, eta intentzio disimulatua eta ironia ohikoak dira haren obran, nobela ezagunenetan erakutsi duen bezala: ‘Black, black, black’, ‘Un buen detective no se casa jamás’ eta ‘La lección de anatomía’. Horiek guztiak Anagramak argitaratu ditu. Haren azkeneko liburuak dira ‘Farándula’ (Eleberriaren Herralde Saria 2016an), ‘Clavícula’ eta duela gutxi argitaratutako ‘Amor fou’. Marta Sanz idazleak hainbat poema-bilduma eta entsegu ere idatzi ditu, eta normalean El País egunkariaren kultura-atalean eta El Mundo egunkariaren El Cultural atalean kolaboratzen du.
Ostirala, urriak 5
20:30h. Sala BBK
Pablo Berger
Pablo Berger bilbotarrak 1988an hasi zuen bere karrera zinematografikoa ‘Mamá’ film laburrarekin, eta, haren bidez, New Yorken zuzendaritza zinematografikoko ikasketak egiteko diru-laguntza lortu zuen. AEBtako egonaldian, Emmy sarietara izendatua izan zen ‘Truth and Beauty’ film laburra zuzendu zuen, New York-eko Zinema Eskolan eskolak eman zituen eta Cambridge, Princeton eta Yale unibertsitateetan ikastaroak zuzendu zituen. Espainian egin zuen lehenengo film laburrarekin, ‘Torremolinos 73’, nazioarteko jaialdi ugari konkistatu zituen. Haren bigarren film mutuak, zuri beltzean filmatu zuen ‘Blancanieves’ izenekoak, hamar Goya sari jaso zituen, film eta zuzendari onenari sariak barne. Haren azkeneko lana da ‘Abracadabra’ komedia.
Juan Bas
Bas (Bilbo, 1959) komikien (El Víbora, Cimoc…) eta milaka telesaioen gidoilaria izan da (Farmacia de guardia, Turno de oficio…). Beste liburu batzuen artean ‘Páginas ocultas de la historia’ kontakizun-liburukiak argitaratu ditu, Fernando Maríasekin batera idatzitakoak, eta ‘La taberna de los 3 monos’. Eleberri hauek ere idatzi ditu: ‘El oro de los carlistas’, ‘Alacranes en su tinta’, ‘La cuenta atrás’, ‘Voracidad’ (Euskadi Literatura Saria), ‘Ostras para Dimitri’, ‘Pájaros quemados’ eta ‘El refugio de los canallas’. ‘Tratado sobre la resaca’ eta ‘La resaca del amor’ sailkaezinak eta ‘El número de tontos’ artikulu- bilduma. Haren obrak hizkuntza hauetara itzuli dira: frantsesa, alemana, italiera, errusiarra, bulgariarra, norvegiarra eta euskara. El Correo egunkariko iritzi-atalean zutabegilea da. 2010ean Bilboko Barrea Jaialdia egitea bururatu zitzaion, eta haren zuzendaria da.
Larunbata, urriak 6
19:00h. Sala BBK
David Foenkinos
1974an Parisen jaiotako eta La Sorbonan Letra ikasketak egin zituen idazle bat da. Mundu osoko irakurleek eta kritikak gogo biziz hartu zituzten haren eleberriak. Nabarmentzekoak dira ‘El potencial erótico de mi mujer’, ‘Estoy mucho mejor’ eta, batez ere, ‘La delicadeza’, Frantziako literatura-sari ospetsuenetan finalista, geroago haren anaia Stéphane-rekin zinemara eramango zuena. Musikazalea eta John Lennonen jarraitzaile sutsua izanik, Foenkinos-ek haren biografiaren eleberri aparta egin zuen, ‘Lennon’ izenekoa eta 2013an Alfaguarak argiraratua. ‘Charlotte’ ere idatzi zuen, Renaudot eta Goncourt sari ospetsuak irabazi dituen obra. Haren azkeneko eleberria ‘La biblioteca de los libros rechazados’ da.
Larunbata, urriak 6
19:00h. Sala BBK
Guillermo Altares
El País egunkariko atal ezberdinetarako berri-biltzailea da eta erantzukizuneko postuak bete ditu nazioarteko eta elpais.com-eko erredaktore-buru eta Babelia kultur eranskineko arduradun gisa. Ordezkari berezia izan da 20 herrialdetan baino gehiagotan; besteak beste, Afganistan, Irak eta Libano herrialdeetako gatazketan. Hitzaldiak eman ditu Espainiako eta nazioarteko unibertsitateetan, eta kazetaritzaren oinarriei buruzko irakaslea da El País / Madrilgo Unibertsitate Autonomoan. France Presse agentzian eta jada existitzen ez den El Sol egunkarian ere lan egin du. Guillermo Altares Arteen eta Letren Zalduna da.
Igandea, irailak 30
19.00h. Bilborock
Barry Manley
(Cork, 1961) edo Barry Barrez (haren izen artistikoa), irakaslea, idazlea eta bakarrizketatzailea da, eta baita abeslaria eta musikaria ere. Eskusoinua eta flauta irlandarra jotzen ditu. Zortzi urte daramatza bakarrizketak egiten euskaraz, Euskadin lau hamarkadaz baino gehiagoz bizi eta gero. Hogeita bi urterekin iritsi zen Euskadira, ingelesezko eskolak emateko, euskaraz eta gaztelaniaz hitz-erdi egin gabe. Haren ikuskizunetako testuek oinarri dute haren jatorrizko lurra, Irlandako eta Cork-eko historia, eta euskal ohiturak eta euskara. Barry Manley “New Europeans” eleberriaren egilea da, eta Eitb-ko hainbat programatan kolaboratu du.
Asier y Javier
Asier Sanz (1969) eta Javier Gamboa (1965) dira umorista grafiko bikote honen kideak, eta marrazkilaria eta gidoilaria dira, hurrenez hurren. “Barrearekin bizimodua ateratzeko eta Bilbokoak izateko zortea duten bi gizaki” direla esan ohi dute. Diario 16, Diario Metro, Deia eta El Jueves argitalpenetan aritu izan dira, besteak beste. 2013an, ‘¡Sálvese quien podamos!’ albuma plazaratu zuten, eta VI. Caragoler Umore Grafikoaren Nazioarteko Lehiaketa irabazi zuten. Bilbao egunkarian kolaboratzen dute.
'Emakumeak Binetetan' Mamen Moreu 2012-2018
Irailaren 27tik urriaren 6ra
Sala BBK
Mamen Moreu
Huescan jaio zen 1985ean eta bilbotarra da adopzioz. Lehenengo umore-zerrendak 2009an argitaratu zituen El Jueves aldizkari satirikoan, eta barne-kolaborazioa mantendu zuen 2016ra arte. Harrezkero, orrialde bat argitaratzen du astero, ‘Dolores y Lolo’, eta aldizkariaren webgunean kolaboratzen du. 2014an, Astiberri argitaletxearekin haren lehenengo eleberri grafikoa argitaratu zuen, ‘Resaca’ izenekoa, eta 2015an egile errebelazio ataleko hautagaia izan zen Bartzelonako komikiaren aretoan. Astiberrirekin ere haren bigarren obra luzea argitaratu berri du: ‘Desastre’. Moreuk gidoilari- eta komikien marrazkilari-lana ilustrazioko beste lan batzuekin konbinatzen du, eta komikiari buruzko hitzaldiak eta marrazki-tailerrak ematen ditu.