XI. Edizioa

Urriaren 2tik urriaren 11ra 2020

Sarrera askea izango da jarduera guztietan, edukiera bete arte. Osasun-egoera bereziaren ondorioz, gonbidapen zenbakituak behar dira 2020ko edizioko ekitaldietara sartzeko. Orri honetan deskarga daitezke, irailaren 26tik aurrera.

Ongi etorri, jaun-andreok,

irmotasun amaigabe eta ezkutua duzuen horiek, Ja! jaialdiaren hamaikagarren edizio epiko honetara. Nahaspila hau muntatzen dugun nahasiak nahiko anormalak garenez, iruditzen zaigu normaltasun berria (izen ona alderdi faxista batentzat edo dike lehorrean dagoen alkoholiko-elkarte batentzat, bide batez) ez dela gu bezain arraroa. Eta, hala, British Airways konpainiak bezala, hegazkinak baldintzarik zailenetan ere lurreratzeagatik ezaguna, bere garaian erabaki genuen jaialdia kosta ala kosta antolatu behar genuela: ahalik eta normaltasun zaharrenarekin eramango genuen aurrera. Eta azken orduan ezinbesteko arrazoiengatik oihalak tolestu eta atzera egin behar bagenuen, berriz ere konfinatu gintuztelako edo planetatik kanporako exodoa zegoelako, irtenbide telepatikoa bilatuko genuen egoera konpontzeko (irtenbide telematikoak baino hobea eta aurreratuagoa, dudarik gabe). Oraindik ere uste osoa dugu ez dela beharrezkoa izango.

   Hortaz, ekaitza gainditu eta aurrera nabigatzen jarraitzeko izpirituarekin, pentsatu dugu Noeren ontzia (gure lagun Asier Sanzek marraztutakoa), zubiko etxola argituta duela eta zureria sendoz hornituta, irudi egokia zela aurtengo kartelerako, biziraupenaren eta berpiztearen sinboloa baita. Hurrengo bi asteetako egitarauan zehar gurekin batera ontzi barruan abiatzera gonbidatzen zaituztegu. Tarteko honetan eta gure webgunean duzue egitarauaren edukia.

 Umorea ospatzea onuragarria da beti, eta aurten, inoiz baino gehiago.      

 Umorea eta erresistentzia Ja! jaialdian!

Juan Bas
Jaialdiko zuzendaria

Pin It on Pinterest