IX. Edizioa

Irailaren 27tik urriaren 7ra 2018

Jaun-andreok, ongi etorri

Ja! Bilbao Jaialdiaren bederatzigarren ediziora. Nahiz eta agian deabruzko piztiei ere dei egin beharko nieke, gure BBK Ja! Bilbao 2018 Saria ‘El día de la bestia’ eta beste hainbat film bere umore bikain eta pertsonalarekin zuzendu dituen Álex de la Iglesia bilbotar ospetsuari emango baitiogu. Lerro gutxi batzuk besterik ez ditut aurtengo programa komentatzeko, eta, beraz, laburbiltzera noa. Nazioarteko hiru idazle ospetsu: Mircea Cartarescu, Jeanette Winterson eta David Foenkinos. Ganorazko hiru elkarrizketa, gozamenerako: Umorea filosofian’, ‘Umorea historian’ eta ‘Umorea beldurrezko zineman’. Soledad Puértolas (bagenuen gogoa hemen ikusteko!). Bi umorista bikain: Javier Cansado eta Silvia Abril. Pablo Berger-ek nirekin xehatuko ditu gehien gustatzen zaizkion umorezko hamar sekuentziak. Mamen Moreu komiki-egile ironikoaren ‘Emakumeak binetetan’ erakusketa. Oso pozik gaude Umore Grafikoko Eskola Lehiaketa berriro ere martxan dagoelako, oraingoan berdintasunaren gaiarekin. Barry Manley irlandar euskaldun berriaren bakarrizketa barregarria. Nobedadea: jaialdian zehar, BBK Aretoan, SERen ‘A vivir que son dos días’ programa ezaguna egingo da, publikoarekin. Eta asko maite genuen artista handi baten oroipena: Forges ‘inolvideibol’.

Osasuna, berdintasuna eta Ja! atsegina izan dezazuela

Juan Bas
Jaialdiko zuzendaria

Pin It on Pinterest

Share This